11 июнь көнне Татар китапханәсендә 7нче бакча балалары “Чәчәкләр - дөньяның бизәге” дип аталган танып белү уенында катнашты.
Сабыйлар Чәчкәбикәгә чәчәкләрләрне явыз Шайтан таягыннан коткарырга ярдәм иттеләр: бакча һәм кыр чәчкәләре турында табышмаклар чиштеләр, шигырьләр сөйләделәр, буталган рәсемнәрне җыйдылар. Чәчәкләрне “коткаргач”, җәй турында китаплар белән таныштылар, “Ида исемле кызның чәчкәләре” дигән мультфильм карадылар.