1 апрельдән социаль пенсияләр артачак
Татарстан Республикасы буенча Пенсия фонды бүлеге хәбәр иткәнчә, Россия Федерациясе Хөкүмәтенең 13.03.2020 елның 270 номерлы карары нигезендә, социаль пенсияләрне дә кертеп, 2020 елның 1 апреленнән 6,1% ка дәүләт пенсия тәэминаты буенча пенсияләр индексацияләнәчәк.
Татарстан Республикасы Менделеевск районында 602 пенсионерга, шул исәптән 580 социаль пенсия алучыга кагыла.
Социаль пенсияләрне индексацияләү белән бер үк вакытта хәрби хезмәткәрләрнең һәм аларның гаилә әгъзаларының, Бөек Ватан сугышында катнашучыларның, "блокадалы Ленинградта яшәүче" билгесе белән бүләкләнгән гражданнарның, радиация яки техноген катастрофалар нәтиҗәсендә зыян күргән кешеләрнең һәм аларның гаилә әгъзаларының пенсияләре дә артачак.
Әйтик, инвалид балалар һәм инвалидларның беренче группа балачактан пенсия күләме артканнан соң 13454,64 сум тәшкил итәчәк.
Индексация нәтиҗәсендә I төркем инвалидларының социаль пенсиясе 11212,36 сум тәшкил итәчәк.
Искәртеп узабыз, закон нигезендә, социаль пенсияләр һәм дәүләт тәэминаты буенча пенсияләр елга бер тапкыр, 1 апрельдән пенсионерның яшәү минимумын арттыру дәрәҗәсенә күтәрелә.