Татар Тәкәше авыл клубы хәбәр итә

Авыл халкы элек-электән күп көч сорый торган эшләрне ирекле рәвештә җыелышып, күмәкләшеп башкарган. Каз өмәсе - авыл тормышының бер бизәге. Халкыбызның онытылып бара торган бу йоласын 13 декабрьдә Татар Тәкәшендә яшәүчеләр казлар үстергән Ләйсән Григорьева һәм Флюра Кашбиеваларда үткәргәннәр. Җылы мунчада казларны чистартканнан соң, көентә асып чишмәгә каз юарга барганнар. Күмәк эш тәмамлангач, Флюрә апа, каз маен эретеп, кызларны тәмле тәбикмәк белән сыйлаган.