Сәйтәк авыл клубы хәбәр итә

27 декабрь  көнне Сәйтәк авыл клубында , “Ләйсән” балалар бакчасы белән берлектә , “Серле кыңгырау серләре” дип исемләнгән Яңа ел иртәсе булды. Бәйрәмгә әти-әниләр , укучылар һәм авыл халкы җыелды.  Балалар, тәрбиячеләре Л.Ефимова белән берлектә, Яңа елга багышланган җырлар җырладылар, шигырьләр сөйләделәр.Серле кыңгырау ярдәмендә бәйрәмгә әкият геройларын чакырдылар. Бәйрәмгә килүче Куян дус ( авыл клубы мөдире Я.Гизатуллина) балаларга  бүләк итеп хәрәкәтле һәм җырлы-биюле түгәрәк уеннар алып килде. Балалар һәм килгән кунаклар һәрбер уенда бик теләп катнаштылар. Бәйрәм азагында Кыш бабай белән Кар кызы  тырышлыклары, бәйрәмдә бердәм катнашулары өчен, балаларга бүләкләр тапшырдылар.