Песәй авылы мәдәният йортында 21 нче гыйнвар көнне "Өстәл теннисы" түгәрәгенә йөрүчеләрнең ярышы булып узды. 8-11 нче сыйныф укучылары үзара көч сынаштылар. Уен кызганнан-кыза барды. Уенда катнашучылар иптәшләренә көч-куәт биреп, һәр очко өчен кул чабып, теләктәшлек белдерделәр. Соңыннан җиңүчеләргә түгәрәк җитәкчесе Рафаэль Кабиров мактау кәгазьләре тапшырды. Мондый ярышларны авыл яшьләре арасында да уздыру планлаштырыла.



