Юл эшләре фронты
Районда 2018 елга 128 миллион сумга финанслау белән юл эшләре программасы гамәлгә ашырыла, шуның 10,5 миллионы – җирле бюджет средстволарына.
Бүгенге көнгә 2,4 километр озынлыкта асфальт-бетон катламы салу эшләре төгәлләнде, 4,832 километр юлларга вак таш җәелде, чокырларны ямау башкарыла.
− Юлларга тамгалар кую Шәһәр көненә үтәләчәк. Әлегә ишегалларында эш бара: парковка урыннары булдырыла, үтеп йөрү юллары киңәйтелә, тротуарлар төзелә. Барлык чаралар да халык өчен уңайлыкка һәм куркынычсызлыкка юнәлдерелгән, − дип билгели Капиталь төзелеш идарәсе начальнигы Артур Захарян. – 45 данә өстәмә юл билгеләре урнаштырыла, 1,3 километр озынлыкта чикләүләр куела. Нефтьчеләр проспекты буенча автоюлны сафка бастыруны төгәлләү планлаштырыла. Якынча 2018 ел лимиты белән 2019 елга программа формалаштырыла.
Менделеев яңалыклары