Дуслык җепләре ныгый

2019 елның 14 гыйнвары, дүшәмбе

11 нче гыйнвар көнне Песәй авылы үзешчәннәре Татар Тәкәше авылына концерт программасы белән барып, авыл халкын  күңелле ял иттерделәр. Песәйлеләр әлеге авыл клубын бигрәк үз итеп, яратып киләләр. Кечкенә генә авыл булуга карамастан,зал халык белән тулы иде. Алар һәр музыкаль күчтәнәчне, кызыклы скетчларны, биюләрне бик җылы кабул иттеләр. Моның шулай икәнлеген озакка сузылган алкышлар раслады.  Мәдәният хезмәткәрләре Рафаэль Кабиров, Фирдәвес Рәхмәтуллина  оештырган концертка Татар Тәкәше клубы мөдире Айгөл Мусина тарафыннан, авыл халкы исеменнән югары бәя бирелде.  Иске Яңа елга моннан да яхшы бүләк булмавын залдагыларның күз карашларыннан аңларга була иде.  Ә без исә, үз чиратыбызда, шундый җылы каршы алганнары, кунакчыл булуларына рәхмәт белдереп, кешеләргә матур кич бүләк итә алуыбызга горурланып, ниндидер рухи канәгатьлек кичердек.