"Йолдызларга юл салдык"

2019 елның 16 апреле, сишәмбе

12 нче апрель көнне Сәйтәк авылы клубы Космонавтика көне уңаеннан балалар арасында « Йолдызларга юл салдык” исемле иҗади эшләр бәйгесе   уздырды.  Бәйгедә мәктәпкәчә яшьтәге балалар бик теләп катнаштылар. Тәрбиячеләре космос,бәйрәм тарихы турында әңгәмә уздыргач , алар тырышып эшкә керештеләр. Авыл клубы залында иҗади эшләрдән күргәзмә оештырылды. Бәйгедә катнашучылар Мактау грамотасына һәм баллы призларга лаек булдылар.Ә яшүсмерләргә  “Гагарин исемле йолдыз “ дип исемләнгән  документаль фильм күрсәтелде.Соңыннан караган материал буенча  фикер алыштылар.