Валерий Чершинцев авыл хуҗалыгы предприятиеләре кырларын йөреп чыкты.

Менделеевск районында бөртекле кырларның гомуми мәйданы 14239 Га тәшкил итә. Эшкәртелә торган җирдә көзге һәм язгы бодай, арпа, борчак һ. б. Үстерелә.

Хуҗалык кырларында 30 комбайн эшли. Комбайнчы Риналь Әглиев район Башлыгының Рәхмәт хаты белән бүләкләнде: ул 5 көндә 380 тонна ашлык суктырды , шулай ук 600 тонна ашлык ташыган шофер Зөфәр Абдуллин бүләкләнде. Алар районда иң яхшы нәтиҗәләр күрсәттеләр.

 Предприятиеләр басуларын карап чыкканнан соң, район башлыгы урып-җыю кампаниясе темпларын бәяләде. Һава шартлары уңай булган очракта, Менделеевск игенчеләре урып-җыю кампаниясен сыйфатлы һәм вакытында тәмамларга планлаштыралар.