Уен-конкурслар, биюләр һәм җырлар: Юбилей урамында Ишегалды бәйрәме ничек узды.

Уеннар, конкурслар, биюләр һәм җырлар - Юбилей урамының 3 нче йорт ишегалдында шатлык хөкем сөрде, чөнки биредә бәйрәм узды!

Бу көнне бергәләп бәйрәм итеп үткәрү, бер-берсе белән якыннанрак танышу, җылы һәм гаилә атмосферасында ял итү өчен, ишегалды мәйданчыгында өлкәннәр һәм балалар җыелды. Бәйрәмне "Бондюжский" ТОС рәисе Рәмзия Әхмәдиева йорт халкы белән берлектә оештырды.

Импровизацияләнгән сәхнәдә район башлыгы Валерий Чершинцев халыкка сәламләү сүзе белән мөрәҗәгать итте. Ул билгеләп үткәнчә, мондый бәйрәмнәр күңел җылысы белән тулган, кешеләрне берләштерә, бер-берсе белән таныштыра.

Бу көнне йорт өлкәннәрен, үрнәк парларны, күп балалы гаиләләрне, иҗат кешеләрен, ишегалларын төзекләндерү һәм яшелләндерүгә зур өлеш керткән иҗади кешеләрне хөрмәтләделәр. Чараны халык, "Рус балкышы" территориаль иҗтимагый үзидарә каршында оештырылган ансамбльнең матур музыкаль чыгышлары бизәде.