Фәрит Мөхәммәтшин беренче мәктәп укучыларын Белем көне белән котлады.

Уку елы башлануга багышланган тантаналы линейка шәһәрнең барлык мәктәпләрендә дә узды. Беренче мәктәптә тантаналы линейкада дәрәҗәле кунак - Татарстан Республикасы Дәүләт Советы Рәисе Фәрит Мөхәммәтшин булды.

- Быел беренче мәктәпкә 5 беренче сыйныф булачак, - дип билгеләп үтте ул. - Барыгызга да бары тик яхшылык һәм иминлек, һәм, әлбәттә, яңа уку елының уңышлы булуын телим.

Шулай ук район башлыгы Валерий Чершинцев чарада катнашучыларга котлау сүзләре белән мөрәҗәгать итте. Кунаклар өчен бәйрәм программасы әзерләнгән иде. Линейка ахырында мәктәп кыңгыравы яңгырады.