Ижевка авылында Татарстан көне.
Ижёвка авылында Татарстан Республикасы көнен бәйрәм итү велоузыштан башланды, анда өлкәннәр һәм балалар катнашты. Шуннан соң авыл мәдәният йортында авыл халкы өчен «Без синең балаларың, Татарстан» дигән зур бәйрәм программасы үткәрелде, программаны ачу Татарстан Республикасы Гимнасыннан башланды. «Колибри», «Конфетти» балалар бию коллективлары «Татарстан балалары» флешмобын башкардылар. Алып баручылар Фәнисә Нургалиева, Лилия Вәлиева тамашачыларга республика казанышлары турында сөйләделәр. Ижевск авыл җирлеге башлыгы Сергеева Н.М. авылдашларын бәйрәм белән котлады, алга таба республикабызның, Менделеевск районының һәм туган авылының чәчәк атуын теләде. Мәдәният йортының иҗат коллективлары тамашачыларны туган як турында җырлар белән сөендерделәр.
