Фәрит Мөхәммәтшин бистәдәге табиб амбулаториясендә булды.

 Эш сәфәре барышында ТР Дәүләт Советы Рәисе Ф.Мөхәммәтшин район башлыгы Валерий Чершинцев белән табиб амбулаториясендә булдылар.

Биредә аларны җирле халык, үзәк район хастаханәсе баш табибы Оксана Бахматова һәм ТР сәламәтлек саклау министрының беренче урынбасары Альмир Абашев каршы алды.

- Мин бистә халкы өчен шат. Шәһәргә барып җитү өчен нинди тырышлык куярга кирәклеген һәркем белә. Бәхеткә, проблема хәл ителде. Бу территориядә амбулатория ачабыз - дип ассызыклады район башлыгы Валерий Чершинцев.

Әлеге микрорайон территориясендә мең ярымнан артык кеше яши. Хәзер кешеләргә хастаханәгә такси, шәхси транспорт яки автобуста барырга туры килмәячәк. Табибка кабул итүгә озак чират көтәргә кирәк - медицина хезмәтләре үтемлерәк һәм сыйфатлырак була башлады. Монда пациентлар өчен барысы да каралган: олылар һәм балаларны кабул итү өчен кабинетлар, көтү өчен уңайлы урын, процедура, карау һәм прививкалар ясау кабинетлары, санузел.

ТР Дәүләт Советы Рәисе Фәрит Мөхәммәтшин бистәдәге шатлыклы вакыйганы уртаклашты. Үзенең сәламләү сүзендә ул республикада халыкка беренчел медик-санитар ярдәм камилләштерелә, дип билгеләп үтте. Яңа табиб амбулаторияләре төзү дә бу процесс өчен кирәк. Әңгәмә бик кызыклы килеп чыкты.

– Җирле халык белән аралашканда әлеге объектны куллану ритмын эшләргә кирәк, – дип белдерде ТР сәламәтлек саклау министрының беренче урынбасары Альмир Абашев. – Болар барысы да бу территориядә төрле авырулар санын киметергә мөмкинлек бирәчәк.

Җирле халык исеменнән Елена Мөхәммәдиева чыгыш ясады. Ул ассызыклаганча, нәкъ менә шундый проектлар - халык турында кайгырту инде ул!