С. Гассар исемендәге мәдәният сарае базасында район икмәк фестивале узды

Чара «икмәк артеле» ведомствоара һөнәри юнәлеш бирү проекты кысаларында һәм халыкара Икмәк көне уңаеннан узды. Анда район мәктәпләре укучылары, шәһәр халкы катнашты. Туган якны өйрәнү музее «Сугыш икмәге», «Икмәк нәрсәдән башлана» дигән интерактив күргәзмәләр әзерләгән иде. Фестиваль кунаклары районның күмәк хуҗалыкларының барлыкка килү тарихы белән таныштылар, туган якны өйрәнү музее фондларыннан уникаль фотографияләр күрделәр, сугыш чоры икмәге рецептын белделәр, бер ашлык онының ничек эшләнүен күрделәр, кыяклы үсемлекләрнең төрләрен билгеләп карадылар. Борынгы рецептлар буенча пешерелгән арыш икмәген дегустацияләү аеруча зур кызыксыну уятты. Халыклар дуслыгы йортында Менделеевск райпосы һәм Алабуга азык-төлек комбинатының икмәк-күмәч эшләнмәләре күргәзмәсе, милли гореф-гадәтләрдә авыл җирлекләре вәкилләреннән милли ризыклар белән сыйлануны милли һәм традицион пешкән ризыклар белән таныштырдылар. Мәдәният йорты мәйданында тамашачылар күз алдында, чын мичтә әзерләнгән удмурт кухнясы ризыкларын дегустацияләү булды. 

Укучылар игътибарына икмәкнең тарихы, мәдәни һәм фәнни феномены турында фәнни-популяр фильм тәкъдим ителде.