“Татарстанны беләсезме“ турниры

Камай авылы китапханәсендә мәктәп яны лагерена йөрүче укучылар өчен, ТАССРның 100 еллыгы кысаларында, “Татарстанны беләсезме“ исемле турнир уздырылды.

Әлеге чара, Татарстан Конституциясе көненә багышланды. Сораулар берничә юнәлештән торды: “ Татарстан тарихы”, “География”,” Сәнгать”, “Тел белеме һәм әдәбият“ һәм “Милли традицияләр”. Укучылар ике командага бүленеп, әлеге турнирда актив катнашып, белемнәрен күрсәттеләр.