2020 елның гыйнвар аенда россиялеләрнең хезмәт эшчәнлеге турында белешмәләр Пенсия фондына тапшыру буенча эш бирүчеләрнең беренче хисап кампаниясе тәмамланды
Кыска вакыт булуга карамастан, кадрлар һәм бухгалтер исәбе буенча программаларны эшләүчеләр хисап тапшыру буенча хезмәт күрсәтүче иминиятчеләр һәм операторлар өчен тиешле продуктларны вакытында яңарттылар.
Программаларның соңгы версиясен билгеләргә өлгермәгән компанияләр өчен Пенсия фонды үзенең сайтында иминиятченең хезмәт эшчәнлеге турындагы мәгълүматларны турыдан-туры ПФРга тапшыру мөмкинлеге булган Кабинетының яңа версиясен башлап җибәрде. Моннан тыш, Пенсия фонды эш бирүчеләргә хисап формалаштыру буенча бушлай программалар тәкъдим итте, алардан 25 кешедән кимрәк штатлы компанияләр файдалана ала.
Февраль урталарында эшләнгән эш нәтиҗәсендә, барлык иминиятчеләр дә диярлек ПФРга биш миллионга якын хезмәткәргә карата кадрлар исәбен алу турында мәгълүмат җибәргән.
Эш бирүчеләр РПФ мәгълүматларын хисап чорында компаниядә эшкә кабул итү, хезмәткәрне башка вазифага күчерү яки эштән азат итү кебек кадрлар чаралары узган очракта гына, яки компания үз исемен үзгәрткән яки хезмәткәр хезмәт кенәгәсенең формасын сайлау турында гариза биргән очракта гына тапшырган.