Әниләр турында хикәяләрне сезнең белән укыйбыз

Бөтендөнья кычкырып уку көне уңаеннан үткәрелә торган ”Әниләр турында хикәяләрне сезнең белән укыйбыз” исемле акция кысаларында  Тойгуҗа авылы китапханәсендә кычкырып укулар үткәрелде һәм шул темага китап күргәзмәсе оештырылды.

Балалар “Синең әниең“ китабыннан шигырьләрне, “Тынлыкта утырыйк” китабыннан “Әнинең кайгысы”, “ Әнинең куллары” хикәяләрен, А. Митяевның “Бүген бәйрәм” китабыннан “Әнине ни өчен яратам”, Ә.Гаффарның “Әни йөрәге” хикәясен кычкырып укыдылар һәм әниләренең рәсемен ясадылар. Чараның ахырында 3 китапны өйгә укырга  алдылар.