Менделеевскида шәһәргә керү һәм чыгу өчен чикләүләр кертелә
Чикләүләр 2 апрельдән гамәлгә керәчәк.
Юл бары тик махсус белешмәләр буенча ( эш урынына), ашыгыч очракларда һәм 2590 номер буенча СМС җибәргән очракта гына рөхсәт ителәчәк. Эчке эшләр министрлыгы хезмәткәрләре инде бүген үк шәһәр һәм районга патрульлек итә, гражданнарга үз-үзеңне изоляцияләү режимы турында хәбәр итә.
Татарстан буенча махсус үткәргечтән яки рөхсәттән башка хәрәкәт иткән өчен штраф салу 2 апрельдән башланачак.
РФ Федерация Советы 31 мартта административ хокук бозулар турында РФ кодексына төзәтмәләрне хуплады. Коронавирус йоктырмаган инфекция таралу куркынычы шартларында үз-үзеңне изоляцияләү режимын бозган өчен гражданинга 15 меңнән 40 мең сумга кадәр штраф яный.
Вазыйфаи затлар өчен штраф суммасы 50дән 150 мең сумга кадәр, ә юридик затлар өчен — 200дән 500 мең сумга кадәр яки 30 тәүлеккә кадәр эшчәнлекне туктатып тору.
Әгәр хокук бозулар кеше сәламәтлегенә зыян китергән яки үлеменә китергән очракта, ләкин җинаять билгеләре юк икән, гражданнардан — 150дән 300 мең сумга кадәр, вазифаи затлардан — 300дән 500 меңгә кадәр, ә юридик затлардан 500 меңнән 1 млн сумга кадәр штраф түләттереләчәк.
Фото: Менделеевск яңалыклары.