Эшлекле сишәмбе
Бүген хакимиятнең актлар залында Менделеевск муниципаль районының предприятие, учреждение, оешма җитәкчеләре белән, район башлыгы Валерий Чершинцев җитәкчелегендә атналык киңәшмә узды.
Киңәшмә Антипова Гүзәл Рависовнаны җитештерелә торган товарларда «Татарстан АССРның 100 еллыгы» мәгълүмати билгесен куллануны раслаучы сертификат белән бүләкләү белән башланып китте .
Аннан соң шәһәр һәм райондагы оператив хәлләр турында полиция начальнигы, Россия Эчке эшләр министрлыгының Менделеевск районы буенча бүлеге начальнигы урынбасары, полиция подполковнигы Рафкать Шамгунов сөйләде.
Менделеевск муниципаль районы Советы һәм Башкарма комитетының узган атнадагы эш нәтиҗәләре һәм киләсе периодка планлаштырылган чаралар белән МР Советы Аппараты җитәкчесе Искәндәр Роберт Ринат улы таныштырды.
Менделеевск муниципаль районында 2020 елгы язгы кыр эшләре нәтиҗәләре турында ММР авыл хуҗалыгы һәм азык-төлек идарәсе башлыгы Фәрухшин Илнур Илдар улы хәбәр итте.
Таһиров Илбар Газизҗан улы - «Татарстан Республикасы Менделеевск муниципаль районы Башкарма комитетының мәгариф идарәсе» МКУ начальнигы - Менделеевск муниципаль районы мәктәпләрендә, онлайн режимда, Соңгы кыңгырау-2020не үткәрү турында сөйләде. Шулай ук ул 2020 елда балаларның җәйге ялын оештыру үзенчәлекләре, балалар бакчасы өчен ата-аналар түләве структурасын үзгәртү һәм 2019/2020 уку елын тәмамлау үзенчәлекләре турында хәбәр итте.
Балалары булган гаиләләргә бер тапкыр бирелә торган һәм айлык түләүләр буенча чараларны гамәлгә ашыру турында Менделеевск районында Пенсия фондының клиент хезмәте җитәкчесе Иштанова Раушан Камил кызы сөйләде.
Татарстан Республикасы Менделеевск муниципаль районының Мәдәният идарәсе башлыгы-Шиһапова Екатерина Владимировна-мариларның «Семык»бәйрәмен үткәрү турында хәбәр итте.
ГХАТ бүлеге җитәкчесе Алексеева Татьяна Михайловна атна эчендә гражданлык хәле актларын теркәү нәтиҗәләре белән таныштырды.