Эш бирүчеләр хезмәткәрләргә хезмәт кенәгәсе формасын сайлау кирәклеге турында хәбәр итәргә тиеш
Менделеев районында клиент хезмәте искәртеп узганча,закон нигезендә, эш бирүче-иминиятләштерүчеләр 2020 елның 30 июненә кадәр үз хезмәткәрләренә кәгазь хезмәт кенәгәсен алып бару яки аның электрон вариантына гына күчәргә тиеш.
Мондый язма хәбәрнамәләрне 2020 елның гыйнварыннан 30 июненә кадәр, милек формасына бәйсез рәвештә, районның барлык оешмалары хезмәткәрләре алырга тиеш иде. Үз чиратында, хезмәткәрләр 2020 елның 31 декабренә кадәр үз эш бирүчеләренә үзләренең сайлап алулары турында хәбәр итәргә – эш бирүчеләргә хезмәт кенәгәсен кәгазьдә алып баруны дәвам итәргә яки бер үк вакытта электрон хезмәткә күчүне дәвам итәргә тиеш. Хезмәт кенәгәсенең кәгазь версиясен саклап калган очракта, алга таба бары электрон форматка гына күчәргә мөмкин булачак. Электрон хезмәттән кәгазь вариантка кире күчү закон белән каралмаган,-дип билгеләп үтә ведомствоның матбугат хезмәтендә.
2020 елның биш аенда Менделеевск районында 669 кеше хезмәт кенәгәләрен кәгазьдә алып бару турында Карар кабул иткән.