Менделеевскида Корбан гаете махсус кагыйдәләр буенча узачак
ТР Диния нәзарәте, санитар-эпидемиологик хәлне исәпкә алып, ачык һавада гает намазы үткәрүне мөмкин кадәр оештырырга тәкъдим итә. "Менделеев яңалыклары"язалар.
Моннан тыш, 1,5 метр дистанцияне үтәргә, сулыш органнарын саклау чаралары, перчаткалар һәм шәхси намаз келәме бар.
— Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең барлык күрсәтмәләре дә тулы күләмдә үтәләчәк",-диде район имам-мөхтәсибе Ирек хәзрәт Нуриев. - Эчтә мәхәллә кешеләре санын чиклибез, дин тотучыларның ишегалдында урнашуы вариантын карыйбыз. Вәгазь, гает-намаз вакыты республиканыкына охшаш.
Корбан бәйрәме көнендә мәчетләрдә бәйрәм вәгазьләре 3.45 сәгатьтә башлана. Намаз вакыты иртәнге 4.15 сәгатькә билгеләнгән. 4.30 сәгатьтән мөселманнар корбан чалуга керешәчәк.
Корбан бәйрәме быел җомга көнне, 31 июльдә билгеләп үтелә. Бу көн Татарстанда эшләми торган көн дип игълан ителде, шуңа күрә республика халкын озын өч көнлек яллар көтә.