Татар Әхтиялы авылында мәчет ачылды
27 август көнне Татар Әхтиял авылында мәчет ачылды.
Мәчетне ачу тантанасында Татарстан мөфтие Камил хәзрәт Сәмигуллин, район башлыгы Валерий Чершинцев, Менделеевск, Мамадыш, Әгерҗе, Алабуга, Актаныш районнары имам-мөхтәсибләре катнашты.
Менделеевски Имам-мөхтәсибе Ирек хәзрәт Нуриев һәм аның күрше районнардан килгән хезмәттәшләре Коръән аятьләрен укыдылар.
Шулай ук район башлыгы Валерий Чершинцев җыелучыларны һәм авыл кунакларын котлады.
Мәчетнең гомуми мәйданы 64 кв. метр тәшкил итә. Мәчет төзелеше 2019 елның 28 маенда башланды һәм 2020 елның 25 августында тәмамланды. Гыйбадәтханә бинасын төзүгә 2 млн. сум тирәсе акча тотылган. халыкның үз акчалары.
Проектның авторы - Мөглиев Алмаз-Мөслим районы архитекторы.
Шулай ук мәчет төзелешенә үз өлешләрен кертүчеләргә Рәхмәт хатлары тапшырылды. Иң зур һәм төп өлешне хәзерге вакытта Түбән Кама шәһәрендә яшәүче Рәхимә апа (91 яшь) кертте. Шулай ук Хөснетдиновлар гаиләсе дә зур өлеш кертте, Алмаз үзе ел дәвамында мәчет төзелешендә эшләгән.Фәрдеевлар гаиләсе дә шактый өлеш кертте.
Символик тасманы кискәннән соң, дин әһелләре эчкә уздылар һәм өйлә намазы укыдылар.