"Поселок" ТИҮ активы белән очрашу
Кичә, 9 сентябрьдә, Менделеевск районының 2 нче урта мәктәбендә "Поселок"территориаль иҗтимагый үзидарәсе активы белән очрашу булды.
Җыенда Менделеевск муниципаль районы башлыгы Валерий Чершинцев, ТР территорияләр белән эшләү Идарәсенең баш киңәшчесе Ришат Зиннәтуллин, "Поселок" территориаль иҗтимагый үзидарәсе рәисе Екатерина Кузнецова, шулай ук Менделеевск шәһәр Советы депутатлары, Совет аппараты һәм ММР Башкарма комитетының җаваплы хезмәткәрләре, предприятие һәм оешма җитәкчеләре, йорт комитетлары рәисләре, иҗтимагый оешмалар, шәһәр активы һәм массакүләм мәгълүмат чаралары катнашты.
«Поселок» территориаль иҗтимагый үзидарәсенең 2020 елның 8 аенда башкарылган эшләре турында «Поселок»территориаль иҗтимагый үзидарәсе рәисе Екатерина Кузнецова хисап тотты.
Алга таба Эчке эшләр органнарында хезмәт итү перспективалары турында Россия Эчке эшләр министрлыгының Менделеевск районы буенча бүлеге начальнигы, полиция подполковнигы Иван Егоров сөйләде.
Шулай ук җыелганнарга янгын куркынычсызлыгы турында Татарстан Республикасы буенча Россия ГТХМ Баш идарәсенең күзәтчелек эшчәнлеге һәм профилактик эшләр идарәсенең Менделеевск муниципаль районы буенча күзәтчелек эшчәнлеге һәм профилактик эш бүлеге дознавателе Федор Галанин мәгълүмат бирде.
Иң мөһим мәсьәләләрнең берсе-2020 елга гриппка каршы вакцинация ясау турында "Менделеевск РҮХ" ДАССОның баш табибы Оксана Бахматова сөйләде.
Чыгышлар ахырында Менделеевск муниципаль районының 2020 елның 8 аенда социаль - икътисади үсеш нәтиҗәләре турында Татарстан Республикасы Менделеевск муниципаль районы башлыгы Валерий Чершинцев сөйләде.
Очрашу кысаларында район Башлыгының Рәхмәт хатлары белән йорт комитетлары эшчәнлеген камилләштерүгә зур өлеш керткәннәре һәм Менделеев шәһәренең иҗтимагый - мәдәни тормышында актив катнашканнары өчен бүләкләнделәр:
- Муллахмәтова Зөлфия Мулланур Кызы;
- Коновалова Надежда Ивановна.
Шулай ук җыелган халык район башлыгы Валерий Чершинцевка ТОСны үстерүдә актив ярдәм күрсәткәне өчен рәхмәт белдерде һәм кызыксындырган сорауларын бирде. Шулай итеп, халыкны ясалма тигезсезлек урнаштыру, чокырларны ямау, ФАПның эше һәм яктырту урнаштыру турында сорау борчыды.
Барлык сораулар да беркетеп, контрольгә алынды.