Тарих көне - 1922 елның 15 сентябре - санитар-эпидемиологик хезмәт оеша.
Бу хезмәт эшчеләре һәрвакыт кешеләрнең сәламәтлеге өчен көрәшнең алгы ягында иде. Бәзәкә авылында туып-үскән Мәрдитҗи Төхвәтуллинаның хезмәт биографиясе районның санитар хезмәте белән бәйле һәм сугыш елларында башлана. Бу чорда хезмәткәрләргә авыр шартларда эшләргә туры килде, авырулар башланды, белгечләр, дезинфекция чаралары җитмәде, транспорт булмады. Яшь Маруся, Мәрдитҗә Гатаулла кызын әнә шулай атыйлар, районның 46 авылына җәяү хезмәт күрсәтә.
– Районда септик ангина, туляремия, ачлык, кулдан килгәннең барын да ашыйлар, нәтиҗәдә, үлем белән агуланулар күп булды, - ди Мәрдитҗә Гатаулла кызы.
Бүген аның Казанга дезинфекция чаралары белән командировкасы 24 көн дәвам иткәнлеген күз алдына да китерүе кыен. Әмма биремне Мәрдитҗә үтәгән, кыйммәтле йөк ташыган. М.Төхвәтуллин сугыш чоры турындагы хатирәләре белән газета битләрендә еш уртаклашты, кабатлап тормады, яшьләр күпме вакыт кичергәннәрен белсеннәр, җирдә тынычлыкны кадерләп яшәсеннәр.