1 октябрьгә кадәр, социаль хезмәтләр алу хокукына ия, әмма аның акчалата эквивалентын алучы федераль ташламачылар Пенсия фондының территориаль органнарына яки Россия Пенсия фонды сайтындагы Шәхси кабинет аша гариза бирә һәм социаль пакет алу хокукын кире кайтара ала.
Россия Пенсия фондының Татарстан Республикасы буенча бүлеге 1 октябрьгә кадәр социаль хезмәтләр алу хокукына ия, әмма аның акчалата эквивалентын алучы федераль льготниклар тиешле гаризаны Пенсия фондының территориаль органнарына яки РПФ сайтында Шәхси кабинет аша бирә һәм социаль пакет алу хокукын үзенә кире кайтара ала, дип искәртә. Бирелгән гариза киләсе елның 1 гыйнварыннан гамәлгә керәчәк.
Социаль хезмәтләр җыелмасы үз эченә ала:
* рецептлар буенча Медицина куллану өчен дару препаратлары, рецептлар буенча медицина эшләнмәләре, инвалид балалар өчен дәвалау туклануының махсуслаштырылган продуктлары;
* төп авыруларны профилактикалау өчен санатор-курорт дәвалавына юлламалар;
• шәһәр яны тимер юл транспортында, шулай ук дәвалану урынына бару һәм кире кайту өчен шәһәрара транспортта түләүсез йөрү.
«Социаль хезмәтләр җыелмасын алу хокукына ия федераль льготникларга ветераннар, инвалидлар, шул исәптән инвалид балалар, фашизмның балигъ булмаган элеккеге тоткыннары, радиация йогынтысына дучар ителгән затлар арасыннан аерым категорияләр керә. Бүгенге көндә Менделеевск районында дәүләт социаль ярдәмен ике мең ярымга якын кеше ала", - дип билгеләп үтте Россия Пенсия фондының Менделеевск районындагы клиентлар хезмәте җитәкчесе Раушан Иштанова.