Укытучылар өчен пенсиягә вакытыннан алда чыгу
Менделеевск районында клиентлар хезмәте (бүлек хокукларында) педагогларның вакытыннан алда картлык буенча иминият пенсиясен билгеләү хокукына ия булуын искәртә. Лаеклы ялга билгеләнгән пенсия яшеннән иртәрәк китәргә мөмкин, бер үк вакытта ике шарт үтәлсә: билгеле бер вазыйфаларда һәм балалар учреждениеләрендә эшләү һәм мондый эштә стаж 25 елдан да ким булмаса.
2019 елдан башлап, педагогик хезмәткәрләрнең пенсиягә чыгу пенсия яшен арттыру буенча күчеш чорын исәпкә алып билгеләнә. Аның нигезендә укытучыларга пенсия билгеләү акрынлап махсус стаж эшләп чыгарганнан бирле күчерелә. Отсрочка вакыты, пенсиягә чыгу яше кебек үк, 2023 елга биш елга арта. 2020 елда пенсия алу хокукы барлыкка килгән педагоглар аны ел ярымнан соң рәсмиләштерә ала.
Әйтик, 2020 елның июнендә кирәкле стажын эшләгән педагог 2021 елның декабрендә, тиешле күләмдә пенсия баллары эшләгән очракта (2021 елда аларның саны 21) пенсиягә чыга ала.
Әгәр педагогик хезмәткәрнең махсус стажы 2020 елның августында эшләнсә һәм индивидуаль пенсия коэффициентлары тупланса (2022 елда аларның саны 23,4 балл тәшкил итә), ул 2022 елның февралендә пенсиягә чыга ала.
Шуны истә тотарга кирәк, педагогик хезмәткәрләрнең пенсия алды яше махсус стаж эшләү белән бер үк вакытта башлана. Әйтик, 2020 елның октябрендә кирәкле педагогик стажын эшләгән мәктәп укытучысы пенсия алды статусын да, аңа тиешле ташламаларны да ала.