Тарихтагы көн. 1947 елның 14 декабрендә 73 ел элек, СССРда «Акчалата реформа үткәрү һәм азык-төлек һәм сәнәгать товарларына карточкаларны бетерү турында» карар кабул ителгән.

СССРда сәнәгать һәм азык-төлек товарлары белән тәэмин итү системасы 1941 елның июленнән, Бөек Ватан сугышы башлангач кертелде һәм алты елдан артык эшләде. Карточка бланкы өчен түләү - 10 тиен. Азык-төлек карточкаларын югалту яки урлау киләсе айга кадәр бөтен гаиләне ачлы-туклы яшәүгә дучар итә. 1947 елның 14 декабрендә СССР Министрлар Советы һәм ВКП(б) "Акчалата реформа үткәрү һәм азык-төлек һәм сәнәгать товарларына карточкаларны гамәлдән чыгару турында" карары чыкты. Әлеге документ нигезендә гражданнарның һәм оешмаларның барлык акчасы 1947 елгы үрнәктәге 1:10 нисбәтендә яңа купюраларга алмашырга тиеш иде. Реформа сумның сатып алу сәләтен арттырган, ә азык-төлек товарларына бәяләр алдагы җиде ел дәвамында 47% ка кимегән.