Прокуратура аңлата
Россия Федерациясе Хөкүмәтенең «2020 елда дәүләт контролен (күзәтчелеген), муниципаль контрольне гамәлгә ашыру үзенчәлекләре турында һәм дәүләт контроле (күзәтчелеге) органнары һәм муниципаль контроль органнары тарафыннан юридик затларны һәм индивидуаль эшкуарларны планлы тикшерүләр үткәрүнең еллык планнарын әзерләү кагыйдәләренең 7 пунктына үзгәреш кертү хакында» 2020 елның 3 апрелендәге 438 номерлы карары белән тикшерүләр үткәрү өчен чикләүләр кертелде.
Әлеге карар нигезендә планнан тыш тикшерүләр үткәрү контроль органына гражданнарның тормышына, сәламәтлегенә зыян китерүнең (мондый зыян китерү куркынычы янау), табигый һәм техноген характердагы гадәттән тыш хәлләр килеп чыгуның конкрет фактлары турында мәгълүмат кергән очракта мөмкин. Әлеге тикшерүләр прокуратура органнары белән килештерүне таләп итә.
Карарда Россия Федерациясе Президенты йөкләмәсе, Россия Федерациясе Хөкүмәте йөкләмәсе, шулай ук прокурор таләбе нигезендә тикшерүләр үткәрү мөмкинлеге каралган.
Моннан тыш, агымдагы елда кече эшмәкәрлек субъектлары өчен күзәтчелек каникуллары дәвам итәчәк: 2021 елда микро һәм кече бизнеска планлы тикшерүләр мораторий астына эләгәчәк һәм үткәрелмәячәк.
Күрсәтелгән таләпләрне бозып тикшерү үткәрү законнарны тупас бозу булып тора.
Күрсәтелгән законнарны бозу очрагында, контрольлек органнары тарафыннан эшкуарлар тиешле гариза белән Татарстан Республикасы Менделеевск районы прокуратурасына мөрәҗәгать итәргә хокуклы.