1 гыйнвардан иминият пенсияләре 6,3%ка индексацияләнде
1 гыйнвардан эшләмәүче пенсионерларның иминият пенсияләре 6,3% ка индексацияләнгән, бу 2020 ел нәтиҗәләре буенча фараз инфляциясе күрсәткеченнән югарырак. Индксация нәтиҗәсендә күпчелек эшләмәүче пенсионерларның картлыгы буенча иминият пенсиясе аена мең сумнан да ким булмаган күләмдә арткан, ә аның уртача күләме - 17,5 мең сумга кадәр.
Бер үк вакытта яңа елда булачак пенсионерларның пенсия хокуклары артты. Бу пенсия коэффициенты бәясенең 6,3%ына артуы һәм, шулардан чыгып, иминият пенсиясе төзелә торган теркәлгән түләү аша булды. Гыйнварда коэффициент бәясе 93 сумнан 98,86 сумга кадәр арткан, билгеләнгән түләү күләме - 5 686,25 сумнан 6 044,48 сумга кадәр. Һәр пенсионерның өстәмә индексацияләү нәтиҗәсендә шәхси пенсиягә бәйле. Мисал өчен, әгәр эшләмәүче пенсионерның инвалидлыгы буенча хезмәт пенсиясе 2020 ел ахырына 10 806 сум тәшкил иткән булса, индексациядән соң ул 681 сумга арткан һәм 11 487 сум тәшкил иткән. Әгәр картлык буенча иминият пенсиясе ел ахырына 17 522 сум тәшкил итсә, индексациядән соң ул 1 104 сумга арткан һәм 18 626 сум тәшкил иткән.
Тулаем ил буенча индексация 31 млн. эшләмәүче пенсионерга кагылган, Менделеевск районы буенча - 6,5 мең эшләмәүче пенсионерга. Районда эшләмәүче пенсионерның иминият пенсиясенең уртача күләме индексациядән соң 14 621,62 сум тәшкил итте. Ел дәвамында эшне төгәлли торган пенсионерлар өчен түләүләр шулай ук яңадан исәпләнәчәк - пенсияләр күләмендә исәпкә алынмаган индексацияләрне исәпкә алып.