Безнең авыл - уртак йортыбыз, анда чиста һәм уңайлы булсын
Яз-табигатьнең уяну вакыты гына түгел, чисталык һәм тәртип урнаштыру вакыты да.
15-16 апрель көннәрендә бюджет оешмалары хезмәткәрләре, Татар Чаллысы авыл җирлегендә яшәүчеләр авыл территориясен җыештыру буенча 2021 - экологик өмәдә катнаштылар. Язгы һава торышы күтәренке кәефкә ярдәм итте, барысы да бердәм һәм күңелле эшләделәр, территорияне чүп-чардан һәм коры яфраклардан чистарттылар, клумбаларны тәртипкә китерделәр.
Үз хезмәтеңнең нәтиҗәсен күрү күңелле, бу эшкә үз җылыңның бер өлешен керткән һәркем, чиста, каралган территория тирә-юньдәгеләрнең күзләрен сөендерә. Шимбә өмәсе - матур дөньяда яшәргә, язгы һава торышы вакытында ачык һавада рәсми булмаган шартларда аралашырга теләүебезне күрсәтү өчен менә дигән ысул, чөнки тәртип кешедә дә, аның тирәсендә дә булырга тиеш, - дип уртаклашты халык.