Эш бирүчеләр, эшкә керешегез!
Булачак пенсионерлар белән вакытыннан алда эшләү нәтиҗәлелеген арттыру өчен Менделеев районында клиентлар хезмәте (бүлек хокукларында) страховкалаучыларны үзара хезмәттәшлеккә чакыра.
Ул оешма хезмәткәрләренә пенсия билгеләү өчен документларны электрон рәвештә тапшыруны күздә тота.
Барлык эш бирүчеләргә, хезмәткәрләр санына бәйсез рәвештә, пенсия билгеләү өчен кирәкле документлар бирү буенча электрон хезмәттәшлек оештыру турында килешү төзергә тәкъдим итәбез. Әлеге Килешүне төзеп, сез агымдагы елда пенсиягә чыккан иминиятләнгән затларга документларның электрон үрнәкләрен (хезмәт кенәгәсе, хәрби билет, хезмәт хакы турында белешмә һ.б.) тапшыра аласыз.
Бу хезмәттәшлек ысулы кадрлар һәм клиент хезмәтләрендә пенсионерларга шәхси йөрүне таләп итми торган шартлар булдырырга, димәк, кадрлар бүлеге белгечләренең эш вакытын экономияләргә, хезмәткәргә Пенсия фондына күрсәтү өчен хезмәт кенәгәсен бирү зарурлыгын булдырмаска мөмкинлек бирәчәк.
Шулай ук Пенсия фонды белгечләре тарафыннан тапшырылган документларда табылган хаталарны оператив рәвештә төзәтергә, документларны электрон рәвештә кабул итү нәтиҗәләре турында мәгълүмат алырга, пенсияләрне билгеләү срокларын кыскартырга мөмкин булачак.
Килешү төзү турында тулырак мәгълүмат алу өчен 8(85556) 2-40-41 телефоны буенча мөрәҗәгать итәргә мөмкин.