Әлфия Когогина: Президент Россия халкын саклауны иң югары милли өстенлек дип атады

2021 елның 22 апреле, пәнҗешәмбе

21 апрельдә Россия Президенты Владимир Путин Россия Федерациясе Федераль Собраниесенә еллык юллама белән мөрәҗәгать итте. Мәскәүдә узган тантанада Федерация Советы әгъзалары, Дәүләт Думасы депутатлары, Хөкүмәт әгъзалары, Конституция һәм Югары суд җитәкчеләре, губернаторлар корпусы, Федерация субъектларының закон чыгару җыелышлары рәисләре, традицион конфессияләр башлыклары, җәмәгать эшлеклеләре катнашты.