Әлфия Когогина: корал әйләнеше дәүләт контроле көчәйтеләчәк
Дәүләт думасы Корал әйләнешенә дәүләт контролен көчәйтү турында закон проектын беренче укылышта кабул итте.
Дәүләт Думасы депутаты, икътисади сәясәт, сәнәгать, инновацион үсеш һәм эшкуарлык комитеты рәисе урынбасары Әлфия Когогина: «әлеге закон проекты корал әйләнешен катгыйландыру, корал хуҗаларының хокуксыз гамәлләреннән кешеләрнең иминлеге өчен дәүләт контролен көчәйтү максатларында эзлекле эш нәтиҗәсе булып тора», - дип шәрехләде.
Закон проекты белән «Корал турында» гы Федераль законга яңа төшенчә кертеләчәк – «корал белән идарә итүгә медицина каршы күрсәтүләре», аларның исемлеге РФ Хөкүмәте тарафыннан билгеләнәчәк.
Медицина таныклыгын узмаган затлар тарафыннан корал сатып алу, саклау, йөртү һәм куллану тыела, өстәвенә, бары тик дәүләт яки муниципаль учреждениеләрдә генә. Ул үз эченә химик-токсикологик тикшеренүләр, шулай ук психологик тест. Тикшерүне уңышлы узганда, Сәламәтлек саклау министрлыгының дәүләт мәгълүмат системасында квалификацияле имза белән имзаланган электрон бәяләмә формалашачак һәм Росгвардия әлеге электрон реестрдан файдалана алачак.
«Тәкъдим ителгән үзгәрешләр ялган медицина белешмәләре бирү мөмкинлеген бетерәләр. Кирәкле мәгълүматлар системалаштырылачак һәм куркынычсызлыкны тәэмин итүгә хезмәт итәчәк", - дип аңлатты парламентарий.