Әлфия Когогина: моношәһәрләргә ярдәм итүнең адреслы чараларын саклап калу стратегик дөрес карар булып тора
РФ ВЭБ эчендә моношәһәрләргә ярдәм итүнең адреслы чараларын саклап калу икътисади үсеш министрлыгының Стратегик дөрес карары булып тора. Мондый фикерне Дәүләт Думасының Икътисадый сәясәт, сәнәгать, инновацион үсеш һәм эшкуарлык комитеты рәисе урынбасары, Моношәһәрләрне тотрыклы үстерү буенча Эксперт советы рәисе Әлфия Когогина җиткерде.
Россия Икътисадый үсеш министрлыгы монопрофильле муниципаль берәмлекләрне үстерү проектларын гамәлгә ашыру өчен РФ ВЭБ.нан федераль бюджеттан субсидия бирү кагыйдәләрен раслау турында Хөкүмәт Карары проектын әзерләде. Тиешле документ норматив хокукый актлар проектларының федераль порталында басылып чыкты.
Карар проекты нигезендә, ел саен хөкүмәт тарафыннан бүлеп бирелә торган акчалар моношәһәрләргә ярдәм итүнең гамәлдәге инструментларын гамәлгә ашыру өчен РФ Икътисади үсеш министрлыгына тапшырылачак. Сүз инфраструктура объектларын төзү һәм инвестиция проектларын гамәлгә ашыру өчен ташламалы заем финанславы бирү турында бара. Моношәһәрләрне үстерү проектларын финанслау буенча Фондның элегрәк кабул ителгән йөкләмәләре РФ ВЭБ.га тапшырылачак.
"РФ ВЭБ эчендә моношәһәрләргә ярдәм итүнең адреслы чараларын саклап калу министрлыкның стратегик дөрес карары булып тора. Ташламалы кредитлар бирү механизмнары биш ел дәвамында эшләнде, алар төбәкләргә аңлашыла һәм аларның дәвам итәчәге мөһим. Һәр территориянең үз спецификасы бар, әмма алар барысы да инвестицион потенциалны арттыру хисабына тагын да тотрыклы икътисад булдыру, Президент куйган уртак бурыч белән берләшкән. РФ ВЭБ.моңа ярдәм итәчәк", - дип белдерде Әлфия Когогина.
Исегезгә төшерәбез, 2020 нче елның көзендә игълан ителгән үсеш институтларын масштаблы үзгәртеп кору кысаларында Россия Хөкүмәте сигез структураны, шул исәптән Моношәһәрләрне үстерү фондын бетерү турында Карар кабул итте. Функцияләрне проектлар белән идарә итүнең бердәм механизмнарын булдыру өчен РФ ВЭБ.га тапшырырга карар ителде.