"Исәнме, җәй"

2021 елның 7 июне, дүшәмбе

4 нче июнь көнне Енабердино авыл мәдәният йорты территориясендә "Исәнме җәй" дигән күңел ачу программасы булып узды. Бу көнне күңелле клоуннар Ириска һәм Коржик чын-чынлап уеннар бәйрәме оештырдылар. Балалар табышмаклар чиштеләр, викторина сорауларына җавап бирделәр, хәрәкәтле уеннар уйнадылар. Бәйрәм ахырында клоуннар югалткан сандыкны эзләделәр. Анда тәм-томнар килеп чыкты - балалар бик канәгать калдылар.