Район башлыгы Валерий Чершинцевның физкультурачылар көне белән котлавы
Хөрмәтле Менделеевск районы халкы!
Спортчыларны, спорт ветераннарын һәм актив һәм сәламәт яшәү рәвеше тарафдарларын физкультурачылар көне белән котлыйм!
Бу якты бәйрәм барлык спорт һәм физик культура сөючеләрне, сәламәт яшәү рәвеше алып баруның, энергияле һәм физик яктан актив булуның ни дәрәҗәдә мөһим булуын аңлаучыларны берләштерә.
Массакүләм спортны үстерү - безнең районның төп, өстенлекле бурычларының берсе. Һәр кешенең, яше һәм һөнәренә карамастан, яраткан спорт төре белән шөгыльләнә алуы бик мөһим. Шуңа күрә бүгенге көндә районда бик күп спорт объектлары эшли, «Ушков утраулары» нда памп-трек һәм скейт-парк төзелде, спорт аллеясында ГТО нормаларын тапшыру өчен мәйданчык булдырылды.
Бүгенге көндә физик культура һәм спорт белән шөгыльләнү чын-чынлап дәрәҗәгә әверелә. Спорт белән шөгыльләнү безнең район һәм шәһәр халкы өчен массакүләм һәм үтемле булды. Безнең район киләчәктә дә үз спорт казанышларын ныгытачак, ә сәламәт яшәү рәвеше безнең районның һәр кешесе өчен нормага әйләнер дип ышанам.
Сезгә һәм якыннарыгызга чын күңелдән нык сәламәтлек, иминлек һәм күңел күтәренкелеге, уңышлы стартлар һәм җиңүләр телим! Спорт белән шөгыльләнү сезгә ләззәт алып килсен, тормышны тагын да төрлерәк һәм кызыклырак итсен! Бәйрәм белән - физкультурачылар көне белән!