Әлфия Когогина: бюджет турындагы закон проекты Россия Президенты кабул иткән социаль әһәмиятле карарларны гамәлгә ашыруны тәэмин итүгә юнәлдерелгән
Дәүләт Думасына 2022 елга һәм 2023-2024 елларның планлы чорына федераль бюджет проекты кертелде.
РФ Дәүләт Думасы депутаты Әлфия Когогина болай дип шәрехләде: "РФ Хөкүмәте Дәүләт Думасына якындагы өч елга федераль бюджет проектын, шулай ук бюджетны барлыкка китерүче закон проектлары пакетын кертте. 60 көн дәвамында без бу мөһим документларны карарга һәм кабул итәргә тиеш. Россия Президенты тарафыннан гражданнарның тормыш сыйфатын күтәрү, эшсезлекне киметү, балалы гаиләләргә ярдәм итү системасын булдыру, регионнарны үстерү, һәркемгә дә уңайлы һәм сыйфатлы белем бирүне тәэмин итү, сәламәтлек саклау, инфраструктураны үстерү, кече һәм урта бизнеска ярдәм итү буенча кабул ителгән карарларны гамәлгә ашыруны тәэмин итәргә кирәк». «2022 елга бюджетның төп параметрлары икътисадны торгызу һәм үстерү турында сөйли. Бу 1,33 трлн сум тәшкил итә (тулаем эчке продуктның 1,0%): бюджет керемнәре – 25,02 трлн сум, чыгымнар – 23,6 трлн сум. Чыгымнар структурасында 2022 елда 35 процент – социаль; өч ел эчендә 10 трлн. сум тирәсе төбәкләргә ярдәм итүгә юнәлдереләчәк", - дип билгеләп үтте Когогина. Дәүләт Думасы 2022-2024 елларга бюджет проектын караячак