Тойгуҗада пленэр
13 нче ноябрь көнне Тойгуҗа авылында Тойгуҗа мәдәният йорты директоры, "Дөрешкәй" театры җитәкчесе Гөлнара Гайфетдинованың "Тойгуҗа авылында Пленэр"дигән сәнгать проекты инде бишенче тапкыр тормышка ашырылды. Бу юлы 5 кенә түгел, ә 6 бала рәсем ясаган. Катаншучылар саны арта.
Балалар, профессиональ рәссам Светлана Лепкова җитәкчелегендә, Гөлшат апаның йортында мич, ут, коймак, самавыр, түбәтәй рәсемнәрен ясадылар. Соңыннан коймак белән чәй эчтеләр һәм хис-тойгылары белән уртаклаштылар.
Проектның максаты-Тойгуҗа авылының матурлыгын гына түгел, авыл халкының традицияләрен дә күрсәтү. Шуңа күрә балалар мичтә коймак әзерләү процессын ясадылар. Чөнки бу процессны күзәтү нинди ләззәт!
Әлеге проектның иганәчесе-Мәскәү шәһәреннән Морозова Земфира Айрат кызы.