Менделеевск юлларына яңа автобуслар чыгачак
Район җитәкчесе Радмир Беляев шәһәр һәм район буенча йөриячәк уңайлы автобусларны карады.
Район Башкарма комитеты җитәкчесенең төзелеш, инфраструктура үсеше һәм торак-коммуналь хуҗалык буенча беренче урынбасары вазифаларын башкаручы Ленар Зарипов хәбәр иткәнчә, халык Башкарма комитет адресына җәмәгать транспортына хезмәт күрсәтү мәсьәләләре буенча сораулар җибәргән.
– Хәзерге вакытта 2020-2021 еллардагы автобуслар яңа пассажир ташучылар тарафыннан сатып алынды. Өч автобус халыкны йөртү өчен каралган: икесе-шәһәргә, берсе «Уңайлы мохит» таләпләренә җавап бирә һәм ул Монашево авылына кадәр хәрәкәт итәчәк. Автобуслар GPS-система белән җиһазландырылачак, аның ярдәмендә менделеевлылар транспорт хәрәкәтен күзәтеп, үз маршрутларын алдан ук планлаштыра алачаклар. Әлегә пассажирлар агымы анализлана, аннары интерваллар һәм маршрутны төгәл билгеләячәк, - дип хәбәр итте Ленар Марс улы.
Район җитәкчесе Радмир Беляев җәмәгать транспортлары салоннарын карап чыкты, һәм уңайлылыгын билгеләп үтте, машина йөртүчеләргә юлларда уңышлар, тыныч һәм аварияләрсез йөрүләрен теләде.