Яңа ел алдыннан узган эшлекле дүшәмбе киңәшмәсендә менделеевлыларның хыяллары үтәлде
Яңа ел алдыннан узган эшлекле дүшәмбе киңәшмәсендә менделеевлыларның хыяллары үтәлде
Эшлекле йомгаклау дүшәмбесен гадәти булмаган форматта үткәрделәр.
Анда Кыш Бабай һәм Кар кызы җыелучыларны якынлашып килүче Яңа ел белән котладылар һәм район җитәкчелеге белән бергә бүләкләр тапшырдылар.
Очрашу башында Менделеевск районында 2021 ел нәтиҗәләре буенча фильм күрсәтелде.
Аннары район җитәкчесе Радмир Беляев нәтиҗә ясады, киләчәккә планнар билгеләде. Ул узып баручы ел шәһәр тарихына нык һәм киеренке хезмәт, әһәмиятле иҗтимагый вакыйгалар елы буларак кереп калачак, дип ассызыклады.
Киңәшмәдә шулай ук РФ Дәүләт Думасы депутаты Әлфия Когогина да катнашты. Ул « Иң иң яхшы сыйныф җитәкчесе» конкурсында катнашучыларны һәм җиңүчене бүләкләде, «Менделеевс яңалыклары» район газетасы, мәгариф идарәсе коллективына конкурсны оештырган һәм уздырган өчен рәхмәт белдерде.
Беренче мәктәпнең башлангыч сыйныф укытучысы Полина Чермакова җиңүче булды. Ул үз адресына максималь санда тавыш (1185) һәм Рәхмәт хатлары (500) алды.
П.Чермаковага Дәүләт Думасы депутаты Рәхмәт хаты һәм 35 мең сум күләмендә премия тапшырды.
«Хыяллар чынга аша» проекты кысаларында район җитәкчесе Радмир Беляев элемтәдә булырга теләгән һәм кәрәзле телефон турында хыялланган Полинаның хыялын тормышка ашырды. Ә «Аммоний» АҖ генераль директоры Дмитрий Макаров 10 бала тәрбияләнүче күп балалы Булатовлар гаиләсенә ноутбук һәм татлы бүләкләр тапшырды.