Менделеевлылар 2021 елны бердәм һәм күңелле итеп үткәрделәр

2022 елның 1 гыйнвары, шимбә

Шәһәрнең төп мәйданында  С.Гассар исемендәге мәдәният сарае янында.31 декабрьдә менделеевлылар һәм шәһәр кунаклары 2021 елны бергә үткәрергә җыелдылар.

Бәйрәм чаралары театральләштерелгән тамаша белән башланып китте. Җирле халык өчен музыкаль һәм бию ансамбльләре чыгыш ясады, әкият персонажлары кәефне күтәрде.

Программа район җитәкчесе Радмир Беляевның Яңа ел мөрәҗәгате белән дәвам итте. Аннан салют гөрләде.

Аннан соң да  әле шәһәр халкы һәм кунаклар тиз генә таралышырга теләмәде. Чыршы янында массакүләм әйлән-бәйлән, дискотека бәйрәмне төгәлләде. Биредә яшәүчеләр яңа 2022 елны иң якыннары белән каршы алу өчен өйләренә таралыштылар