ТАТАР ЧАЛЛЫСЫ МӘДӘНИЯТ ЙОРТЫ. "ЯҢА ЕЛДА ДУСЛАР БЕЛӘН " УЕН ПРОГРАММАСЫ
4 гыйнварда Татар Чаллысы мәдәният йорты каршындагы мәйданда «Яңа елда дуслар белән " дип исемләнгән уен программасы узды.
Чараның төп максаты: балалар өчен бәйрәмнең эмоциональ атмосферасын булдыру, төрле яшьтәге балаларны уртак уен эшчәнлегенә җәлеп итү.
Балаларны татлы хәзинәне яшергән Әби Карчык каршы алды. Балаларга тәм-томнарны табар өчен төрле сынаулар узарга кирәк иде. Бәйрәм эстафета рәвешендә үткәрелде. Ярышлар башланыр алдыннан катнашучылар 2 тигез көчле командага бүленде. Командаларга исем уйлап табу өчен берничә минут вакыт бирелде. Беренче команда - "Чыршылар", икенчесе - "Хлопушки".
Балалар ярышларда актив катнаштылар: җитезлек һәм зирәклек буенча, тизлек һәм төз ату буенча биремнәрне үтәүдә ярыштылар, бер-берсенә ярдәм иттеләр.
Эстафета ярыш мизгелләре булуга карамастан, бәйрәмдә күңелле һәм дустанә атмосфера сизелде.
Чарада пассив күзәтүчеләр булмады. Барлык балалар да бик канәгать калдылар.