Менделеевскида станок операторын 14 яшьлек яшүсмернең зыян күрүендә гаеплиләр
Менделеевск районы прокуратурасы 38 яшьлек «Бонус-Кама " ҖЧҖ машина станогы операторына карата җинаять эше буенча гаепләү карарын раслады. Ул РФ ҖК 216 ст. 1 өлешендә каралган җинаять кылуда гаепләнә (эш вакытында куркынычсызлык кагыйдәләрен бозып, саксызлык аркасында кеше сәламәтлегенә авыр зыян китерү).
Тикшерү буенча, 2021 елның 27 августында Менделеевскида Пионерская урамында урнашкан заводның җитештерү бинасында булган эш фигуранты куркынычсызлык кагыйдәләрен бозып, 14 яшьлек яшүсмергә регенерат формалаштыру станогында эшләргә рөхсәт иткән. Җитештерү процессы вакытында малай кулның җилкәгә кадәр өлешен өздерә.
Тикшерү фаразлаганча, бәхетсезлек очрагы хезмәтне саклау өлкәсендә үз вазифаларын тиешенчә үтәмәгән гаепләнүче гаебе белән килеп чыккан.
Ир үз гаебен тулысынча таныды.
Җинаять эше тикшерү өчен Менделеевск район судына җибәрелгән.