Шигырьләрем-тере шаһитлар

Быел без халкыбызның бөек уллары – танылган шагыйрьләр, музыкантлар, язучылар исемнәре белән бәйле истәлекле даталарны билгеләп үтәбез. Болар арасында батырлык, ныклык һәм каһарманлыкның тиңдәшсез шигъри набаты, үз халкы һәм яраткан Ватаныбыз хакына бөек батырлыкка үлемсез чакыру кебек яңгыраган үзенчәлекле кеше бар. Бу кеше - татар шагыйре-патриот Муса Җәлил.

Шагыйрьнең тууына 116 ел тулу уңаеннан, үзәк китапханәдә1 нче мәктәпнең 9 нчы сыйныф укучылары өчен «Шигырьләрем – тере шаһитлар" дип исемләнгән тарихи – шигъри сәгать үткәрелде.

Алар «Моабит дәфтәрләрләре»ннән - «Вәхшилек», «Бәхет», «Чишмә», «Кызым Чулпанга» шигырьләрен, Җәлил шигыренә язылган «Бүреләр» җырын ишеттеләр. Муса Җәлил Советлар Союзы Герое, Ленин премиясе лауреаты, 2 Югары Дәүләт бүләгенә лаек булган бердәнбер шагыйрь. Җәлил көрәшче һәм җырчы була. Чыннан да, шагыйрьнең тормыш юлы сугышта тәмамланды һәм үлемсез тәмамланды.