Җырчы Элвин Грей яшь менделеевлыларның сорауларына җавап бирде һәм алар белән бергә төрле хитлар башкарды
Җырчы Элвин Грей яшь менделеевлыларның сорауларына җавап бирде һәм алар белән хитлар башкарды.
Танылган Россия җырчысы, Башкортостан Республикасының атказанган артисты, Башкортстан башлыгының мәдәният һәм яшьләр сәясәте буенча киңәшчесе, Элвин Грей псевдонимы астында танылган Радик Юльяшкин, мөмкинлекләре чикләнгән мәктәп укучылары һәм «Кама таңнары»балалар һәм яшүсмерләр приютында тәрбияләнүчеләр белән очрашты.
Очрашу шәһәр хакимияте һәм район прокуроры Ришат Шакиров ярдәме белән узды. Балалар Э. Грейга мәктәп һәм студент тормышы турында кызыклы сораулар бирделәр, ничек популяр җырчы булырга теләве, шәхси тормышы, иҗади планнары турында кызыксындылар. Җырчының «Черноглазая», «Уфтанма», «Красивая и хороший", "Салкын чәй" хитлары, "Әйтелмәгән сүзләр» җыры премьерасы турында сөйләштеләр.
- Менделеевск халкы һәрвакыт позитив. Концерт белән килгән чакта, уңай энергетика, дустанә атмосфера хөкем сөрә. Концерт белән Татарстанда булдым, Лениногорскида чыгыш ясадым, шуңа күрә күптән түгел прокурорның Менделеевск мөмкинлеге чикләнгән балалар мәктәбенә чакыруын шатланып кабул иттем. Балаларның гадәти булмаган һәм кызыклы сорауларына бик теләп җавап бирде. Аларны үз чыгышларымда күрергә шат булачакмын, - дип уртаклашты Элвин Грей.
Очрашу ахырында җырчы укучыларга китапларын бүләк итте, автограф калдырды һәм гомуми фотога төштеләр.
Тугызынчы сыйныф укучысы Кристина Коваль үзенең тәэсирләре белән уртаклашты:
- Элвин Грей- яраткан артистым, аның җырлары социаль челтәрләрдәге музыкаль плейлистта. Нәкъ менә безнең мәктәпкә килүенә гаҗәпләндем. Ул ихлас күңелле, кызыклы очрашу өчен рәхмәт, - диде ул.