Юлда фото-видеотеркәү комплекслары

Юл-транспорт һәлакәтләренең күбесе юл хәрәкәтендә катнашучылар тарафыннан куркынычсызлык таләпләрен үтәмәү белән бәйле. Әлбәттә, юл-транспорт һәлакәтләренең сәбәпләре машина йөртүчеләр гаебе белән генә түгел, еш кына җәяүлеләрнең юл хәрәкәте кагыйдәләрен бозуы аркасында да килеп чыга. 2021 ел нәтиҗәләре буенча машина йөртүчеләр гаебе белән 16 юл-транспорт һәлакәте булган.

Юл хәрәкәте кагыйдәләрен бозу очраклары:

- каршы як полосага чыгу – 8 очрак ;

- маневрлау – 4 очрак;

- җәяүлеләр гаебе белән-1 очрак;

- юл чатында-0 очрак;

- җәяүлеләр өчен юл аркылы чыгу урыны-0;

шулай ук:

- исерек хәлдә+ медицина тикшерүеннән баш тарту – 2 очрак;

- куркынычсызлык каешын кулланмау-1 факт;

-машина йөртү таныклыгыннан башка йөрү-0.

Юл-транспорт һәлакәтләрендә һәлак булучылар һәм яраланучылар санын киметү - Дәүләт автоинспекциясенең беренче чираттагы бурычы булып тора. Бу эшчәнлеккә юл хәрәкәте өлкәсендә хокук бозуларны кисәтүгә, шулай ук машина йөртүчеләр тәртибенә йогынты ясый торган фото-видеотеркәүләр автомат комплексларының эшләве зур өлеш кертә.

Әлеге комплекслар  түбәндәге юл хәрәкәте кагыйдәләрен бозу очракларын ачыклый:

- билгеләнгән хәрәкәт тизлеген арттыру,

- тукталыш турында туктау линиясе  алдыннан юл хәрәкәте кагыйдәләрен үтәмәү,

- тыю билгеләре гамәлдә булган зонада тукталыш ясау,

- маршрут транспорт чаралары өчен булган полоса буенча хәрәкәт итү,

- каршы хәрәкәт өчен билгеләнгән юл читенә чыгу,

- тимер юл кичүендә тыю сигналына чыгу.

2021 елда безнең автомобиль юлларында юл хәрәкәте кагыйдәләрен бозуны фото-видео теркәү буенча автоматлаштырылган режимда эшләүче 7 комплекс куелган иде. Шуларның 2се күчмә һәм 5 стационар «Кордон М2»комплексы.

Автомобиль юллары участокларында булган җитешсезлекләр бу ел дәвамында бетереләчәк. Моның өчен без Башкарма комитет белән берлектә инженерлык чараларын тормышка ашыру буенча план төзедек. 

 Ә әлегә безнең юлларда шулай ук автомат режимда эшләүче юл хәрәкәте кагыйдәләрен бозуларны фотовидеофиксацияләү буенча 7 комплекс чыгарыла. Шуларның 2се-күчмә һәм 5 стационар «Кордон М2»комплексы.

Стационар һәм күчмә комплекслар урнаштыру урыннарында юл хәрәкәте кагыйдәләрен бозуларны фото - һәм видеофиксацияләү өчен 6.22 «Фотовидеофиксация» дигән юл билгеләре тулы күләмдә урнаштырылган.

Барлык кагыйдәләрне үтәү юл-транспорт һәлакәтләре санын киметергә, димәк, кемнеңдер гомерен һәм сәламәтлеген саклап калырга мөмкинлек бирә. 

Юлда игътибарлы һәм үзара ягымлы булыгыз! Үзегезне һәм якыннарыгызны саклагыз!