2 март көнне Менделеевскига эш cәфәре белән РФ Дәүләт Думасы депутаты Әлфия Когогина килде
Депутат район җитәкчесе Радмир Беляев белән бергә яңартылган балалар поликлиникасын карады. Радмир Беляев баш табиб белән бергә сәламәтлек саклау объекты буенча йөрделәр, делегация табиблар һәм шәфкать туташлары белән аралашты. Аннары персоналның шәхси сораулары, шулай ук азык-төлек блогын ремонтлау, хастаханәдә туклану системасының эшләве, морг бинасын ремонтлау буенча, "Земский доктор" программасын тормышка ашыру, кадрлар җәлеп итү һ.б. сораулар каралды.
Киләсе объект @ school_3_mendelevsk мәктәбе булды. Биредә "Аммоний" АҖ@ammoni_azot ярдәме белән төзекләндерелгән сыйныфларны карадылар. Яңа җиһазландырылган химия, биология һәм физика сыйныфларында өлкән сыйныф укучылары бүгенге кунакларга төрле тәҗрибәләр үткәрүләре, фәнни проектларны гамәлгә ашырулары турында сөйләделәр. Мәсәлән, 9 сыйныф укучысы үз проекты турында сөйләде, аның кысаларында ул безнең районда чишмә суларын тикшергән. Иң яхшы күрсәткечләр Ижевка авылындагы суда булды.
Укучылар Әлфия Когогинага балалар кулы белән ясаган дизайн-кодлы бүләк сувенирын тапшырдылар.
Шулай ук администрациядә РФ Дәүләт Думасында, ТР Дәүләт Советында һәм ТР Менделеевск муниципаль районы Советында "Бердәм РОССИЯ" фракциясе депутатларының социаль-икътисади һәм мәдәни үсеш мәсьәләләре буенча үзара хезмәттәшлеге турында килешүгә кул куелды.