"Авыл әкияте" фестивале
20 март көнне Сәйтәк авыл клубында "Халыкара курчак бәйрәме" кысаларында “Авыл әкияте” фестивале узды.Чаллы, Алабуга шәһәрләреннән һәм Песәй авыл китапханәсеннән халык сәнгать һөнәрләре эшләнмәләре күргәзмәсе оештырылды. Фестиваль кысаларында балалар Ижевка авыл китапханәсеннән “Теремок” курчак театрын карый алдылар. “Керэшен жорты” музей бүлмәсендә максатчан экскурсия үткәрдек, анда катнашучылар керәшеннәрнең тормышы һәм көнкүреше турында мәгълүмат алдылар. Шулай ук күргәзмә һәм сөт продукциясен дегустацияләү оештырылган иде. Чаллы һәм Алабуга шәһәрләреннән үз эше осталары мастер-класслары зур уңыш белән узды. Катнашучыларның барысы да балчыктан ясалган курчаклар һәм эшләнмәләр ясаганнар. Фестивальнең һәр катнашучысы үз күңеленә хуш килерлек дәрес ала алды. Авыл продукциясе белән кайнар чәй эчтеләр.