Беренче апрельдә Актаҗикта фельдшер-акушерлык пункты ачтылар
Безнең районның Актаҗик авылында яңа модульле фельдшер-акушерлык пунктын ачу тантанасы булды.
Беренче көнне ФАПның эше белән район җитәкчесе Радмир Беляев, Монаш авыл җирлеге башлыгы Ростислав Иосифов, РҮХнең баш табибы Оксана Бахматова таныштылар, алар биредә халыкка сыйфатлы беренчел медик-санитар ярдәм күрсәтү өчен барлык шартлар да тудырылганын билгеләп үттеләр.
- Өлкән яшьтәге авыл кешеләренең, балаларның сәламәтлеген сакларга кирәк. Әлеге объектны без зур шатлык белән ачабыз, — диде Р.Беляев.
Социаль-әһәмиятле объектның төзү-монтаж эшләрен оештыруга һәм үткәрүгә зур өлеш керткәне өчен район җитәкчесенең Рәхмәт хаты белән «Районның инвестиция һәм инфраструктура үсеше идарәсе» МАУ план-техник бүлеге башлыгы Казбек Раджабов бүләкләнде. Шулай ук сәламәтлек саклау системасында озак еллар намуслы хезмәте өчен район җитәкчесенең Рәхмәт хатын Актаҗик ФАП мөдире, район үзәк хастаханәсе фельдшеры Елена Степановага тапшырдылар. Сүз уңаенда, бүген, беренче апрельдә, аның авыр, әмма шундый мөһим һөнәргә багышлавына 33 ел тулды.
Аннары җыелучылар алдында Актаҗик мәдәният йортының «Памаш» ансамбле чыгыш ясады. Символик тасманы кисү тантанасыннан соң, кунаклар һәм халык яңа ФАП биналарын карадылар.
- Бездә уңайлы шартларда медицина ярдәме алу мөмкинлеге барлыкка килде. Пациентларны кабул итү өчен уңайлы кабинет, процедура кабинеты, санузел, чишенү бүлмәсе бар. Шундый зур бүләк өчен рәхмәт, - диде Вера Филиппова.