"Балакаем" спектакле
8 нче апрельдә "Дөрешкәй" театр коллективы Тойгуҗа авылында икенче тапкыр "Балакаем" спектаклен күрсәтте, анда Мәскәү, Яр Чаллы, Алабуга, Иске Ерыклы, Камай, Татар авыллары тамашачылары килгән иде. Әлбәттә инде, Менделеевск шәһәреннән һәм Татар Тәкәше авылыннан.
Барлык артистлар да Земфира Айрат кызыннан роза чәчәкләреннән бик матур букетлар алдылар. Менделеевск шәһәреннән килгән Хореограф Данилова Гөлнара Исмәгыйль кызы тәмле сюрприз ясады: "Яшә һәм чәчәк ат"дигән матур торт алып килде.Монаш авыл җирлеге башлыгы, Иосифов Ростислав Феофанович, спектакльне югары бәяләде һәм бик күп яхшы сүзләр һәм теләкләр әйтте.
Тукай районы Иске Ерыклы авылының "ДУСЛЫК" үзәге, Исрафилова Илмира Александровна һәм Шмелева Елена Евгеньевна театр коллективы өчен бүләкләр белән килделәр һәм шундый кечкенә авылда профессиональ артистлар белән искиткеч театр яшәвенә гаҗәпләнделәр.